Koj Puas Tau Raug Dag lossis Raug Mob los ntawm ib lub Chaw Pab Kev Kub Ntxhov Rau Cev Xeeb Me Nyuam Hauv Plab (Crisis Pregnancy Center (CPC))?

Cov Chaw Pab Kev Kub Ntxhov Rau Cev Xeeb Me Nyuam Hauv Plab (Crisis Pregnancy Center (CPCs) feem ntau lawv hais tias lawv muaj kev pab rau cov neeg uas cev xeeb me nyuam lawm, tab sis lawv txoj kev coj ua tau tsis xis koj nyiam, tau yam li tsis txhawb koj, lossis tseem muaj qhov dag rau koj kom koj yuam kev thiab. Cov chaw no feem ntau tsis yog cov khw kho mob mus rau sab pab kom muaj me nyuam thiab tej zaum lawv tseem muaj qhov tsis pub koj paub txog tej yam uas tseem ceeb rau koj, hais tau tej yam rau koj ua kom koj xav yuam kev, lossis tseem yuav ua kom koj raug mob thiab.

Koj Yuav Tsum Tau Paub Cov No Txog Ntawm CPCs:

• CPCs feem ntau tsis ntiav cov kws kho mob uas muaj ntaub ntawv license rau sab kuaj cev xeeb me nyuam.
• Lawv tsis muaj lossis tsis xa koj mus kaus me nyuam thiab tej zaum tseem yuav qhia qee yam uas tsis yog rau koj txog ntawm txoj kev kaus me nyuam, kev siv tshuaj kom txhob muaj me nyuam, thiab lwm yam uas tseem ceeb rau koj kom koj paub saib xyuas koj lub cev ntaj ntsug.
• Tus neeg ua haujlwm uas twb tsis muaj ntaub ntawv license tej zaum tseem yuav yog tus los saib xyuas koj, thiab tsis tas li ntawd, tej zaum nws yuav tsis ua raws li HIPPA txoj cai thiab tsis ua raws li lwm cov kev cai lij choj uas tiv thaiv koj.
• Ib txhia CPCs khu xaj nas txog cov kev siv los kho tib neeg uas twb tsis muaj pov thawj los txheem hais tias kho li ntawd yuav tsis phom sij, xws li “Mus Kho Keb Tom Qab Twb Noj Lub Tshuaj Ntaus Me Nyuam Hauv Plab Tawm Lawm”.

Yog hais tias koj tau raug dag lossis raug mob los ntawm ib lub CPC, koj yeej muaj ob peb txoj kev taug:

Mus thov kev pab lij choj ntawm no

Qhia koj zaj dab neeg

Kawm Kom Paub Txuas Ntxiv Txog CPCs thiab Seb Lawv Ua Haujlwm Zoo Li Cas:

• Lub koos haum UnRestrict Minnesota’s tus neeg qhia txog CPCs
• Lub koos haum The Alliance’s kawm txog “Tsim Los Dag Neeg” y ntawm cov CPCs
• Lub koos haum Gender Justice Brief Tshooj Xov Tooj Cua Tham txog CPCs
• Minnesota Lub Hoos Kas Kws Lij Choj Attorney General’s ceeb toom pej xeem txog ntawm cov CPCs
• Lub koos haum Reproductive Equity Now’s daim ntawv qhia “Paub Txog CPCs” e
• Crisis Pregnancy Center Map qhia koj seb cov CPCs nyob ze koj yog lub twg
• Ua haujlwm nrog lub koos haum Minnesota Abortion Action Committee (MNAAC) lossis Expose Fake Clinics

Lwm Cov Kev Pab Ntxiv:

• Yog hais tias koj xav mus kaus me nyuam tawm, koj mus nrhiav tau ib lub khw kho mob ntawm Kuv xav tau ib lub A.
• Yog hais tias koj xav tau kev pab saib xyuas koj thaum koj muaj me nyuam rau hauv plab lawm, feem ntau cov kws kho mob uas tsev neeg mus mus ntsib yeej pab tau koj lossis yuav qhia tau rau koj seb yuav mus cuag tus kws kho mob twg. Yog hais tias koj tsis tau muaj ib tug kws kho mob, koj mus nrhiav tau ib tug ntawm Minnesota Department of Health.
• Nrhiav Tus Kws Pab Yug Me Nyuam ntawm no Minnesota Council of Certified Professional Midwives, lossis koj siv tau ib tug neeg pab koj yug me nyuam uas nws tsis yog kws kho mob tab sis nws paub txog kev yug me nyuam doula.
• Coob tus neeg uas cev xeeb me nyuam lawm, tsim nyog tau Medical Assistance (MA).

Koj tsim nyog paub qhov uas yog thiab txais kev pab tu saib xyuas koj kom zoo li zoo tau.